எழில் கொஞ்சும் கானகமுடனே- நற்கருத்தை
எடுத்தியம்பிடும் நற்பாக்களும் அழகா? அன்றில்
எம் செல்வம் காட்டா எளிமையே அழகு.
துக்கத்தில் மகிழ்வு கொள் மனமும் - பிறர்
துயரத்தில் பங்கு கொள் பண்பும் கொண்டு- மற்றோர்
துயர் துடை பாங்கினொடு
துணிவெனும் ஆயுதம் கொள்வதே அழகு.
அம்பு போன்ற விழியும் - அங்கே
அழகெழில் கொஞ்சும் கூந்தலும்
அனல் போன்ற கோபமும் - சற்றே
அன்பு கொள் பார்வையும் அழகு.
மென்மலர் போன்ற கனிவும்
மனத்தே மலையை எதிர்கொள் துணிவும்
முதியோரை மதிக்கும் பணிவும்
மற்றோர் மனம் கோணாப் பண்பும் அழகு.
குணத்திலே குற்றமற்றவராய் - மற்றோர்
குற்றம் களைய முனைபவராய்
குன்றாத அன்பும் பிறர் மனம் கோணாமல்
குபேரனாயும் குறவனாயும் நடத்தலே அழகு.
